اقتراح

السلام عليكم و رحمة الله و بركاته

عندي اقترااح بسيط و أظن في غيري جاب طاريه من قبل...
و هو يتعلق بالتعليقات...
طبعا أنا ماراح أتكلم عن تعليقات صفحة المانجا اللي موجودة بالموقع... بل باتكلم عن شي ماهو موجود في الموقع
اقتراحي هو أنه يكون في أسفل كل فصل من فصول أي مانجا أو ويبتون الخ؛ خانة للتعليقات...
و يكون فيه خاصية إعجاب و عدم إعجاب للتعليق... طبعا أكيد في البعض يبي يعرف إذا الناس يوافقونه بالرأي أو يخالفونه، و زر الإعجاب و عدم الإعجاب بيساعد في هالشي...
و بس هذا اقتراحي... 

طبعا أنا ليش اقترحت خانة تعليقات لكل فصل؟ لأني أشوف أنه يكون في خانة تعليقات لكل فصل أحسن من خانة تعليقات وحدة لكل الفصول بالنسبة للي يبي يعلق على أحداث فصل معين...
الحين أي واحد لما يعلق بيعلق يا على أحداث الفصل الأخير أو الأحداث من بداية المانجا لين آخر فصل نزل منها اذا كانت القصة مستمرة... لكن لو في خانة تعليقات لكل فصل، فبكذا يمديك تعلق على أحداث الفصل بأريحية و يكون واضح أنها تتعلق بذا الفصل الفلاني و ما يكون فيه لخبطة، الزبدة باختصار أنها بتكون إضافة تجنن
و بالنسبة للتعليقات اللي في صفحة المانجا هذي تكون للانطباع العام بالنسبة للي قرأوا المانجا أو الويبتون، عشان اللي ما قرأوها يشوفون آراء الناس عنها و يقررون من بعدها اذا بيتابعونها أو لا...

مع أني أحس صعب التغيير لهالدرجة و في أشياء ما تساعد، بس بيكون شي حلو لو كانت ذي الإضافة موجودة
و شكرا...

التعليقات 1